«ПСЖ» ҳимоячиси Дани Алвес фаолиятини Англия премьер-лигасида давом эттириш ҳақида ўйламоқда.
«Англия премьер-лигасида ўйнамасдан туриб, фаолиятимни якунлашни ҳазм қила олмайман. Назаримда, Англия чемпионати жаҳондаги энг кучли лигалардан бири. Биринчидан, мухлисларнинг футболчиларга бўлган муносабати ажойиб. АПЛда ўйнаш насиб қилса зўр бўларди. Лекин у ерда ўйнашга албатта ҳаракат қиламан», – деди Алвес.
35 ёшли бразилиялик футболчи Европадаги фаолияти давомида «ПСЖ»дан ташқари «Севилья», «Барселона» ва «Ювентус» клубларида ўйнаган.