Кеча велоспорт бўйича Ўзбекистон терма жамоаси аъзолари Данил Евдокимов ва Янина Кусковалар халқаро ўқув-машғулот йиғинларида иштирок этиш учун Ҳиндистоннинг Нью-Дели шаҳрига жўнаб кетдилар. Спортчиларимиз у ерда мураббий Владислав Фёдоров қўл остида машғулот ўтказадилар.
Спортчиларимиз ушбу йиғин орқали январь ойида Жакартада трек йўналиши бўйича ўтказиладиган Осиё чемпионатига тайёргарлик кўрадилар. Шунингдек, мазкур йиғин Токио Олимпиадаси учун тайёргарлик босқичларидан бири ҳисобланади.
Ўқув-машғулот йиғинлари 2 декабрга қадар давом этади.
