Бирлашган Араб Амирликларининг Дубай шаҳрида олимпия терма жамоалари ўртасида халқаро мусобақа бўлиб ўтаётганидан хабарингиз бор. Турнирнинг иккинчи тури доирасида Ўзбекистон U23 терма жамоаси мезбонларга қарши баҳс олиб борди.

Учрашувнинг 75 дақиқаси давомида ҳисоб очилмади. Айнан шу дақиқада вакилларимиз рақиб дарвозасини ишғол қилишди. Орадан 5 дақиқа ўтиб Равшан Ҳайдаров шогирдлари қарши ҳужум ташкил қилишди ва пенальти ишлашди. 11 метрли жарима зарбасидан олимпиячиларимиз унумли фойдаланиб, ҳисобдаги фарқни оширишди.

Ўзбекистонликлар дастлабки турда Япония билан 2:2 ҳисобида дуранг ўйнаган бўлсалар, БАА Кувайтни 2:1 ҳисобида мағлуб этганди. Жамоамиз 20 ноябрь куни Кувайтга қарши майдонга чиқади.

Япония ва Кувайт ўртасидаги 2-турнинг яна бир баҳси Тошкент вақти билан 19:30да старт олади.

Dubai cup. International U23
БАА U23 - ЎЗБЕКИСТОН U23 - 0:2 (0:0)