УЕФА миллатлар лигасининг "А" лигаси 2-гуруҳи кутилмаган натижа билан якунига етди.

ЖЧ-2018 бронза медали соҳиби — Бельгия терма жамоаси ушбу гуруҳдан мусобақанинг финал босқичига чиқиши кутилганди. Улар бунга яқин ҳам туришганди. Бунинг учун сўнгги турда Швейцария майдонида дуранг ўйнаши кифоя эди.

Баҳснинг 2 ва 17-дақиқаларида Торган Азар томонидан иккита гол эвазига бельгияликлар ҳисобда олдинга чиқиб олишди. Аммо мезбонлар қолган дақиқаларда нафақат ҳисобни тенглаштиришди, балки рақибни йирик ҳисобда мағлуб этишди — 5:2.

Швейцарияликлар ҳужумчиси Сеферович хет-трикни расмийлаштирди.

Ушбу ғалабадан кейин Швейцария очколар бўйича Бельгия билан тенглашиб олди, аммо ўзаро ўйинлар бўйича "соатсозлар" мусобақа финал босқичига йўл олишди.

УЕФА миллатлар лигаси, "А" лига, 2-гуруҳ
Швейцария – Бельгия 5:2 (3:2, 2:0)
Голлар: 0:1 – 2 Азар, 0:2 – 17 Азар, 1:2 – 26, пенальти Родригес, 2:2 – 31 Сеферович, 3:2 – 44 Сеферович, 4:2 – 62 Эльведи, 5:2 – 84 Сеферович.
Швейцария – Зоммер, Эльведи, Мбабу, Клозе, Родригес, Цубер (Бенито, 87), Жака, Фройлер (Закария, 79), Фернандеш, Шакири, Сеферович (Айети, 90).
Бельгия – Куртуа, Алдервейрелд, Компани, Боята, Менье (Ориги, 90), Шадли (Батшуайи, 65), Витцель, Азар, Тилеманс, Азар, Мертенс.
Огоҳлантиришлар: Жака (38), Мбабу (79), Сеферович (87).