АҚШ футбол федерацияси Мадриднинг “Реал” клуби ва Испания терма жамоасининг собиқ бош мураббийи Хулен Лопетегининг хизматларига қизиқиш билдирмоқда. Бу ҳақда AS нашри хабар бермоқда.
Манбанинг хабарига кўра, айни дамда Дэйв Сарачан АҚШ термасида бош мураббий вазифасини вақтинча бажарувчи бўлиб турибди. Унинг қўл остида жамоа 3та ғалаба, 3 дуранг ва 5та мағлубият қайд этди.
Эслатиб ўтамиз, Лопетеги 29 октябрь куни “Реал” бош мураббийлигидан озод этилганди. Бунгача у Испания термасида ишлаган ва ЖЧ-2018 бошланишига бир кун қолганида истеъфога чиқарилганди.
