“Фулхэм” ва Сербия терма жамоаси ҳужумчиси Александр Митрович Миллатлар Лигасида 6 та гол урди.

Шундай тарзда, сербиялик футболчи Миллатлар Лигасининг энг яхши тўпурари бўлди.

Ушбу мусобақада 24 ёшли футболчи икки марта дублни расмийлаштирди (биринчи давра ўйинларида Руминия ва Черногорияга), яна иккита ўйинда биттадан гол урди (иккинчи даврада яна Черногория ва Литва дарвозасига).

Ундан кейин Станислав Драгун (Беларусь), Юра Мовсисян (Арманистон), Харис Сеферович (Швейцария) ва Жеймс Форрест бештадан гол уриб, икинчи ўриндан жой олишди. 4 гол билан Александар Трайковски (Македония), Георгий Чакветадзе (Грузия), Ромелу Лукаку (Бельгия) ва Адам Салаи (Венгрия) учинчи ўринни эгаллашди.