Англиянинг “Ливерпуль” клуби футболчиси Муҳаммад Салоҳ мухлисларнинг овоз бериш якунларига кўра жамоанинг октябрь ойидаги энг яхши футболчиси деб топилди. Бу ҳақда клубнинг твиттердаги расмий саҳифаси хабар бермоқда.
Эслатиб ўтамиз, Салоҳ “Ливерпуль” сафида октябрь ойида 5 та ўйинда қатнашган ва 4 та гол уриб, 2 та голга аниқ узатма амалга оширган.
Шунингдек, футболчи чемпионлар лигаси гуруҳ босқичи 3-турида “Црвена Звезда” жамоаси дарвозасини ишғол этиб, ўзининг клуб сафидаги голлари сонини 50 тага етказиб олганди.
