Либертадорес Кубоги финали жавоб ўйинидан ўрин олган “Ривер Плейт” – “Бока Хуниорс” учрашуви яна бошқа кунга кўчирилди. Бу ҳақда КОНМЕБОЛ президенти Алехандро Домингес маълум қилди.
Сабаби шундаки, “Бока Хуниорс” клуби КОНМЕБОЛдан ўйинни бошқа кунга қолдиришни сўраган. Учрашув қайси куни ўтказилиши номаълум бўлиб турибди.
Эслатиб ўтамиз, ушбу баҳс кеча ўтказилиши керак эди, бироқ “Бока” автобусига “Ривер Плейт” мухлислар томонидан ҳужум уюштирилган, бунинг оқибатида меҳмонлар футболчиларидан бири жароҳатланган. Кеча аввалига бир неча соатга кўчирилган ўйин, охир-оқибат бугун ўтказилиши маълум қилинганди.
