Унчалик муваффақиятли бўлмаган мавсумни ўтказаётган "Реал" учун Европа чемпионлар лигаси доирасидаги 5-тур баҳси осон кечмади. "Рома" ўз уйида мадридликларга қарши яхши ўйин ўтказди.

Айниқса, римликлар биринчи бўлимда иккита тўп фарқи билан олдинга ўтиб олишлари керак эди. Дастлаб Шик томонидан яқин масофадан йўлланган зарбани Куртуа оёқлари билан қайтариб қолган бўлса, Ундер 4 метрдан бўш қолган дарвозани ишғол эта олмади — тўп юқорига кўтарилиб кетди.

Иккинчи бўлим бошида мезбонларнинг қўпол хатосидан кейин Бэйл ҳисобни очган бўлса, орадан кўп ўтмасдан мадридликлар қарши ҳужумда "бўрилар"ни яна бир марта жазолашди.

Аслида, бироз аввал ЦСКА ўз майдонида "Виктория"га ютқазиб қўйганидан кейин "Реал" ва "Рома" кейинги босқич йўлланмасини қўлга киритиб бўлишганди. Бугунги ўйиндан кйин Солари жамоаси 1-ўрин тақдирини ҳал қилишди.

ЕЧЛ, "G" ГУРУҲИ, 5-ТУР
Рома Италия – Реал Мадрид Испания 0:2 (0:0, 0:2)
Голлар: 0:1 – 47 Бэйл, 0:2 – 59 Васкес.
Рома – Ольсен, Манолас, Коларов, Флоренци, Фасио, Нзонзи (Чорич, 64), Кристанте, Дзаньоло (Карсдорп, 69), Ундер, Эль-Шаарави (Клюйверт, 22), Шик.
Реал Мадрид – Куртуа, Варан, Марсело, Карвахаль, Рамос, Кроос, Льоренте, Васкес, Модрич (Вальверде, 80), Бэйл (Асенсио, 84), Бензема (Диас, 77).
Огоҳлантиришлар: Модрич (21), Дзаньоло (42), Варан (90).