15-16 декабрь кунлари Хитойнинг Гуанчжоу шаҳрида дзюдо бўйича нуфузли «Мастерс» турнири бўлиб ўтади. Мусобақада жаҳоннинг 50 дан ортиқ мамлакатидан 250 га яқин спортчи иштирок этиши кутилмоқда. Ушбу йирик рейтинг турнирида ўзбекистонлик полвонлар ҳам қатнашадилар.
Баҳсларда юртимиз шарафини Шарофиддин Лутфиллаев (-60 кг), Диёрбек Ўрозбоев (-60 кг), Шаҳрам Аҳадов (-66 кг) ва Бекмурод Олтибоев (+100 кг) каби спортчиларимиз ҳимоя қиладилар. Шунингдек, Ўзбекистон дзюдо федерациясининг маълум қилишича Ғиёсжон Бобоев ҳам ушбу мусобақада қатнашиши мумкин.
