Энтони Жошуанинг промоутери Эдди Хирннинг айтишича, британиялик боксчи яқин орада Александр Усикка қарши жанг қилмайди. Бу ҳақда Olamsport нашри хабар бермоқда.
"Хабарларда Жошуа ва Усик апрель ойида жанг қилиши мумкинлигини ўқиб қолдим. Аммо, бу ёлғон. Бу борада аниқ гап-сўзлар бўлмаган. Хаттоки, Усикнинг супероғир вазн тоифасига ўтиши ҳам ҳозирча номаълум.
Александрга ҳозир дам керак. У аҳир ўтган йилда кўп жанг ўтказди ва деярли дам олмади. У апрель ёки май ойигача тайёр бўлади деб ўйламайман. Усик - Жошуа жанги ҳақида ўйламаяпмиз. Балки, агар Усик супероғир вазн тоифасига ўтиб, иккита жанг ўтказса бу ҳақида ўйлаб кўрармиз", - деди Хирн.
