Entoni Joshuaning promouteri Eddi Xirnning aytishicha, britaniyalik bokschi yaqin orada Aleksandr Usikka qarshi jang qilmaydi. Bu haqda Olamsport nashri xabar bermoqda.
"Xabarlarda Joshua va Usik aprel oyida jang qilishi mumkinligini o‘qib qoldim. Ammo, bu yolg‘on. Bu borada aniq gap-so‘zlar bo‘lmagan. Xattoki, Usikning superog‘ir vazn toifasiga o‘tishi ham hozircha noma’lum.
Aleksandrga hozir dam kerak. U ahir o‘tgan yilda ko‘p jang o‘tkazdi va deyarli dam olmadi. U aprel yoki may oyigacha tayyor bo‘ladi deb o‘ylamayman. Usik - Joshua jangi haqida o‘ylamayapmiz. Balki, agar Usik superog‘ir vazn toifasiga o‘tib, ikkita jang o‘tkazsa bu haqida o‘ylab ko‘rarmiz", - dedi Xirn.
