“Реал” клуби Карим Бензема ўрнига муносиб ҳужумчи излашда давом этмоқда. Okdiari нашрининг хабар беришича, “қаймоқранглилар” шорт-листида иккита номзод бор. Улар Эдинсон Кавани (ПСЖ) ва Мауро Икарди (“Интер”).
Мадридликлар аргентиналик футболчи учун “нерадзуррилар”га 110 млн евро беришга тайёр. Аммо футболчининг ўзи бу трансферга қарши чиқмоқда.
Каванига келсак, унинг трансфери “Реал”га арзонроқга тушади лекин, раҳбарият унинг ёшини ҳисобга олиб, сотиб олишга ўйланмоқда.
Эслатиб ўтамиз, аввалроқ Перес “Тоттенхэм” ҳужумчиси Харри Кейн учун 100 млн евро ва Гарет Бэйлни алмаштириш таклифи билан чиқмоқчи эди.
