Ўзбекистон футбол ассоциацияси юртимизда мураббийлик соҳасини ривожлантириш, мураббийлар маҳоратини ошириш бўйича бир қатор чора-тадбирларни амалга оширмоқда.
Жумладан, бугун 23 декабрь куни Тошкентдаги "Чиғатой" спорт мажмуасида "В" сертификати учун ОФКнинг халқаро мураббийлик курслари бошланди. Мазкур курсларда 24 нафар мураббий қатнашмоқда. Улар орасида Ильдар Магдеев, Ҳикмат Ҳошимов, Жаҳонгир Жиямуродов каби ўтмишнинг машҳур футболчилари ҳам бор.
Мураббийлик курсларини ФИФА ва ОФК инструктори Ислом Аҳмедов олиб бормоқда. Унга Ойбек Давлетмуродов ёрдам беряпти.
Мазкур ўқув курслари 29 декабрга қадар давом этади. Курсларнинг иккинчи қисми 2019 йилнинг февраль ойида бўлиб ўтади.
