Аввалроқ, Ўзбекистон миллий терма жамоаси аъзолари “Ўзбекистон Ҳаво йўллари” миллий авиакомпаниясининг 333-рейси билан учган Боинг-787 ҳаво кемасида 3 соату 15 дақиқа парвоздан сўнг Бирлашган Араб Амирликларининг Дубай шаҳрига етиб боргани ҳақида хабар бергандик.
Парвоз вақтида ҳаво кемаси командири Алишер Султонов ушбу рейсда футбол бўйича миллий терма жамоамиз аъзолари ҳам учиб кетишаётганини эълон қилиб, экипаж аъзолари номидан футболчиларимизга Осиё Кубогида омад тилади.
Дубайда ҳаво ҳарорати 23-24 даража иссиқ, футбол ўйнаш учун жуда қулай об-ҳаво. Терма жамоамиз делегациясини ОФК вакиллари кутиб олишди. Футболчилар Дубай шаҳридаги “Roda Al Bustan” меҳмонхонасига жойлашди. Бугун кечқурун маҳаллий вақт билан соат 18:00 да БААдаги дастлабки машғулотларни ўтказади.
