Олдинда бизни бири – биридан қизиқарли учрашувлар кутиб турибди. Бугун Осиё кубогининг 1- туридаги энг қизиқарли учрашувларга тўхталамиз:

5 – январь БАА – Бахрайн

Турнирни доимгидек мезбонлар очиб беришади. Очилиш учрашувлари кўпинча шиддатли ва томошабоп бўлишини ҳисобга олсак, бугун биз жуда ҳам ажойиб учрашувнинг гувоҳи бўламиз.

7 – январь Хитой – Қирғизистон

Осиё кубогидаги дебютини ўтказадиган қўшниларимиз турнирдаги энг кам ўрганилган жамоа сифатида қизиқишга сабаб бўлмоқда. Ўртоқлик учрашувларида қўшниларимиз уюшқоқ ва комбинацион футбол намойиш қилган ҳолда бир нечта ғалабаларга эришишди. Қирғизистон термасининг ўйинларини биз ҳам катта қизиқиш билан кузатамиз. Нима бўлган тақдирда ҳам, «Кўздек қўшнилармиз», ахир! Бундан ташқари, футбол учун ақл бовар қилмас пулларни сарфлаётган Хитой термасининг ўйинларини кўриш ҳам ҳамма учун кутилаётган бўлса, ажаб эмас!

6 – январь Австралия – Иордания

Биз бу учрашувни 1- турдаги марказий ўйин десак, адашмаган бўламиз. Ҳошимийлар биздан фарқли ўлароқ ўз вақтида Австралияни енгишни уддасидан чиқа олишган. Буни яна такрорлаш ҳеч гап эмас. Сабаби футбол оламида амалдаги чемпионларнинг ўз гуруҳида қолиб кетганини бир неча бор кўрганмиз. Австралия футболчиларининг бу турнирда қандай қатнашишлари уларни қандай мотивация билан келганликларига боғлиқ!

9 – январь Ўзбекистон – Уммон

Мана ҳаммамиз кутаётган учрашув. Бу ўйиннинг катта аҳамият касб этадиган яна бир томони шундаки, янги мураббий қўл остидаги янги Ўзбекистон, янги услубда расмий учрашувда дебют қилади! Купер жанобларининг Ўзбекистон термаси ва ниҳоят натижага ўйнайди! Шу кунгача деярли ҳамма ўртоқлик учрашувлари натижага эмас, синовмақсадида қурбон қилинганди. Мана энди термамизни ҳақиқий кучини кўриб оламиз! Олға Ўзбекистон!