Англия лига кубоги ярим финал босқичи доирасида дастлабки ўйин бўлиб ўтди. «Тоттенхэм» ўз майдонида «Челси»ни қабул қилиб, кичик ҳисобда ғалаба қозонди.
Учрашувнинг 25-дақиқасида тўп олдинга узатилган пайтда ҳимоячилар билан деярли битта чизиқда турган Кейн дарвозабон билан бирга-бир вазиятга чиқиб кетди. «Челси» дарвозабони Кепа Аррисабалага эса жарима майдончаси ичида «Тоттенхэм» ҳужумчисини йиқитди. Ўйин бош ҳаками Майкл Оливер дастлаб офсайдни қайд этди. Аммо видеотакрорни кўрганидан сўнг ўз қарорини ўзгартирди ва меҳмонлар дарвозаси томон пенальти белгилади.
Сарри шогирдларининг ҳакамга эътирози шунда бўлдики, лайнсмен байроқчани кўтаргани учун марказий ҳимоячилар тезликни пасайтиришганди.
"Шпорлар" сардори 11 метрли жарима зарбасидан самарали фойдаланди.
Маълумот ўрнида. Ушбу мавсумдан бошлаб Англия лига кубоги мусобақасида VAR тизимидан фойдаланилмоқда. Англия премьер-лигасида эса бу тизим 2019/2020 йилги мавсумдан бошлаб жорий қилинади.
