Бугун Ўзбекистон терма жамоаси Осиё кубоги доирасидаги иштирокини бошлайди. Вакилларимиз дастлаб Уммон терма жамоасига қарши майдонга тушади.
Хабарингиз бор, мазкур терма жамоа билан сўнгги марта 23 ёшгача бўлган футболчилардан иборат терма жамоамиз ўйнаган. Хитойда бўлиб ўтган 23 ёшгача бўлган футболчилар ўртасидаги Осиё чемпионатида вакилларимиз Уммон (U 23) термасини кичик ҳисобда мағлуб этганди. Агар шу ўйинни кўрмай қолган бўлсангиз ёки ёдингиздан кўтарилган бўлса, шу ўйиндаги вазиятларни ёдингизга соламиз.
Айтганча, айнан Уммон термаси мағлуб этилган ўша мусобақада футболчиларимиз чемпион бўлишганди. Умид қиламизки, бугун асосий термамиз Уммонни мағлубиятга учратади ва бу турнир ҳам омадли якун топади.
