Ўзбекистон терма жамоасининг 8-13 январь кунлари Индонезия пойтахти Жакарта шаҳрида ўтказилган велоспортнинг трек йўналиши бўйича Осиё чемпионатидаги иштироки ҳақида хабар берган эдик.
Нуфузли мусобақада юртимиз шарафини Вадим Шаехов мураббийлиги остида аёл спортчиларимиз Ольга Забелинская, Екатерина Кнебелова, Янина Кускова ва эркаклардан Данил Евдокимов, Алексей Фомовский, Дмитрий Сирко ҳамда Муроджон Холмуродов ҳимоя қилишди.
Якуний натижаларга Ольга Забелинская 1 та олтин, 1 та кумуш ва 1 та бронза медаллари соҳибасига айланган бўлса, Янина Кускова 1 та кумуш ва 1 та бронза медалига сазовор бўлди. Мурод Холмуродов эса 1 та бронза медалига эга чиқди. Жуфтлик пойгасида О.Забелинская ва Е.Кнебелова кумуш медалига сазовор бўлишди.
Мусобақалар спортчиларга 2020 йили Токиода бўлиб ўтадиган Олимпия ва Паралимпия ўйинларида иштирок этиш учун рейтинг балларини тақдим этади.
