"Реал" президенти Флорентино Перес Испания қироллиги футбол федерацияси (RFEF)нинг директорлар кенгашида иштирок этишдан бош тортди. Ушбу йиғилишга Пересни RFEF президенти Луис Рубиалес таклиф қилганди.
El Chiringuito тарқатган хабарга кўра, «Мадрид» раҳбарига VAR тизими ёқмаяпти. Флорентино видеотакрорлардан фойдаланиш адолатсизликка олиб келмоқда деб ҳисобламоқда. Шу боис у RFEF президентининг таклифига рад жавобини берди.
Шунингдек, Marca нашрига кўра, «Реал» раҳбариятини сўнгги йилларда Испания футбол федерацияси томонидан бўлаётган муносабат (тартиб-интизом қўмитасининг қарорлари, ҳакамлар) ҳам қаноатлантирмаяпти.
Флорентино Перес дастлаб RFEF директорлар кенгашида иштирок этиш ҳақида ўйлади. Боиси, қабул қилинадиган муҳим қарорлардан четдан қолиб кетиши мумкинлигини тушуниб турганди. Аммо «Реал Сосьедад» ва «Бетис»га қарши ўйинларда VAR тизими томонидан чиқарилган баҳсли қарорлар туфайли Перес йиғилишга бормасликка қарор қилди.