Слаломда эшкак эшиш бўйича Ўзбекистон терма жамоалари Миллий олимпия қўмитаси стратегияси асосида лицензион мусобақаларга, Олимпия ўйинларига тайёргарлик олиб бормоқда.
Шу жумладан, слаломда эшкак эшиш бўйича Ўзбекистон терма жамоаси аъзолари ҳам ўқув-машғулот йиғинларида иштирок этмоқдалар.
Терма жамоа етакчилари Алибек ва Жонибек Темиргалиевлар 2-15 январь кунлари Тошкент денгизида машғулотлар олиб бордилар. Бугун эса улар тайёргарликнинг навбатдаги босқичини ўтказиш учун Бирлашган Араб Амирликларининг Ал Айн шаҳрига жўнаб кетишди.
Хорижий ўқув-машғулот йиғинларида йигитларимиз мураббий Иззатилла Раҳматуллаев қўл остида шуғулланадилар. Мазкур йиғин 4 мартга қадар давом этади.
