Акмал Эшонхонов
Ал-Айн шаҳридан махсус
Япония – Ўзбекистон учрашуви олдидан бўлиб ўтган матбуот анжуманида миллий терма жамоа ярим ҳимоячиси Жавоҳир Сидиқов ўз фикрларини билдириб ўтди.
“Ўсмирлар, ёшлар терма жамоаси сафида ушбу терма жамоага хеч қачон мағлуб бўлмаганман.
Хитойда ўтказилган ёшлар ўртасидаги Осиё чемпионати чорак финалида ҳам Японияни мағлуб эта олганмиз. Жамоадошларим ўзига ишонмоқда.
Кейинги босқични қайси шаҳарда, қайси стадионда ўтказишимизнинг фарқи йўқ. БААда шароитлар ажойиб.
Шунинг учун, бунинг катта аҳамияти йўқ. Бу иккинчи даражали нарса. Биз эртага фақат уч очко учун ўйнаймиз”, деди Жавоҳир Сидиқов.
Маълумот ўрнида, эртага Япония терма жамоаси кўк рангли либосда, Ўзбекистон эса оқ рангли либосда ҳаракат қилади. Ўйин Ал-Айн шаҳридаги “Халифа бин Зайд” стадионида Тошкент вақти билан соат 18:30 да бошланади. Мазкур баҳсни БААлик ҳакам Муҳаммад Абдулла Ҳасан бошқаради.
