Akmal Eshonxonov

Al-Ayn shahridan maxsus

Yaponiya – O‘zbekiston uchrashuvi oldidan bo‘lib o‘tgan matbuot anjumanida milliy terma jamoa yarim himoyachisi Javohir Sidiqov o‘z fikrlarini bildirib o‘tdi.

“O‘smirlar, yoshlar terma jamoasi safida ushbu terma jamoaga xech qachon mag‘lub bo‘lmaganman.

Xitoyda o‘tkazilgan yoshlar o‘rtasidagi Osiyo chempionati chorak finalida ham Yaponiyani mag‘lub eta olganmiz. Jamoadoshlarim o‘ziga ishonmoqda.

Keyingi bosqichni qaysi shaharda, qaysi stadionda o‘tkazishimizning farqi yo‘q. BAAda sharoitlar ajoyib.

Shuning uchun, buning katta ahamiyati yo‘q. Bu ikkinchi darajali narsa. Biz ertaga faqat uch ochko uchun o‘ynaymiz”, dedi Javohir Sidiqov.

Ma’lumot o‘rnida, ertaga Yaponiya terma jamoasi ko‘k rangli libosda, O‘zbekiston esa oq rangli libosda harakat qiladi. O‘yin Al-Ayn shahridagi “Xalifa bin Zayd” stadionida Toshkent vaqti bilan soat 18:30 da boshlanadi. Mazkur bahsni BAAlik hakam Muhammad Abdulla Hasan boshqaradi.