Ўзбекистон терма жамоаси ва Тошкентнинг “Локомотив” клуби ярим ҳимоячиси Сардор Рашидовнинг Португалия чемпионати иштирокчиси “Насьонал” билан қанча муддатга шартнома имзолагани маълум бўлди. Бу ҳақда Португалия клуби ўз расмий саҳифасида маълумот берган.
“Сардор Рашидов – Ўзбекистон терма жамоаси ҳозирги авлодининг юлдузларидан бири ҳисобланади. Иқтидорли ва жисмонан кучли бўлган Рашидов қанотларда вингерлик қойиллатади ва шунингдек, ҳужумда ҳам бирдек ўйнай олади.
У ўз жамоаси ва терма жамоаси таркибида ажойиб ўйин кўрсатди. Ҳозирда Ўзбекистон термаси Осиё Кубоги мусобақасида яхши натижаларга эришишга улгурди.
Ўзбекистон катта эҳтимол билан Осиё Кубогининг плей-офф босқичида иштирок этади. Сардорда танлов кўп эди: Саудия Арабистони, Қатар ва БАА мамлакатлари клубларидан таклифлар бўлса ҳам, Сардор ўз кучини Европада синаб кўришни истади.
Бу эса албатта, бизни хурсанд қилмай қўймайди. Сардор Рашидов “Насьонал” таркибида 2,5 йил фаолият олиб бориш шарти билан икки томонлама келишувга имзо чекди”, дейилади “Насьонал” берган расмий хабарда.
Эслатиб ўтамиз, “Ювентус” футболчиси Криштиану Роналду “Насьонал” ёшлар жамоасида икки йил фаолият олиб борган. Рашидов бу жамоага эркин агент сифатида кўчиб ўтди.
