Осиё Кубоги нимчорак финалидан ўрин олган Австралия - Ўзбекистон ўйинолди матбуот анжуманида Ўзбекистон терма жамоаси аъзоси Жалолиддин Машарипов Австралияга қарши ўйин олдидан фикрларини билдириб ўтди.
“Биринчи ўйинда ҳаяжон бор эди. Аммо Туркманистонга қарши ўйинда ўз ўйинимизни кўрсата олдик. Мураббийнинг барча кўрсатмаларини бажардик.
Бу ўйин ўзимизга бўлган ишончни ошириб юборди. Японияга қарши ўйинда мағлубиятга учраган бўлсак ҳам, биз яхши ўйнадик. Бу ўйиндаги мағлубият бизни тушкунликка туширмайди. Ҳамманинг кайфияти яхши. Эртага ғалаба учун ўйнаймиз”, - дейди Машарипов
