«Foxsport» нашри терма жамоамизни Австралия учун «қутидаги сюрприз» бўлади,- дея таъриф берганча давом этади:
Ўзбекистон гуруҳда биринчи ўринни бемалол эгаллаши мумкин эди, лекин «оқ бўрилар» буни истамаган кўринади. Австралияга Ўзбекистон билан бўладиган ўйин олдидан хурсанд бўлишга эрта. Бу жамоа Купернинг қўл остида қутидаги номаълум совғадек тушунуб бўлмас нарса бўлади Учрашувнинг асосий вақти катта эҳтимол билан 1 : 1 ҳисобида якунланса керак. Умуман олганда, бу учрашув голларга бой ўтмайди. Иккала жамоа ҳам ўз имкониятларини яхши билади ва матчни эҳтиёткорлик билан ўтказишади. Ғалаба қозониш имконияти Ўзбекистон терма жамоасида бироз кўпроқ десак, бўлади. Австралия ҳозирда аввалгидек кучли эмас.
Австралия сайтлари (АБC неwс, ва бошқа кўплаб сайтлар очиқчасига ўз термаларини бу учрашувда яққол фоворит дея аташмоқда )эса 2011-йилдаги 6-0 ҳисобидаги ғалаба ҳақида қайта – қайта таъкидламоқда. Бу билан Австралия ОАВ мухлислар онгига психолагик таъсир ўтказишни исташмоқда.
Дунёнинг етакчи сайтларидан бири «1хbet» сайтининг мутахассисларидан бири - эркин журналист, блогер Максим Коновалов бу ўйин ҳақида ўзинингфикрини билдирди:
Иккала жамоа ҳам ўз гуруҳларида 2-ўринни қайд этишди ва бир хил 6 очко билан гуруҳ босқични якунлашди. Ҳозирда Австралия юқори даражадаги жамоа эмас, лекин Ўзбекистон учун ҳавфли рақиб. ЖЧ да иштирок этган Австралия билан ҳозиргисининг анчагина фарқи бор.
Ўзбекистон терма жамоаси Эктор Купер бошчилигида жангавор тайёргарлик билан бу учрашувга етиб келишади. Улар 3-турда Япония билан тенгма – тенг кураш олиб борди. Сўнгги дақиқаларда гол уришлари ҳам мумкин эди. «Оқ бўрилар»га ўша куни омад етишмади.
Австралия эса 3 – турда Сурия билан жуда оғир ўйин ўтказди ва омади ҳам келди.
Хулоса қилиб шуни айтишим мумкин, Ўзбекистон бу ўйинда, албатта, гол уради ва асосий вақт мобайнида ютқазмайди.
Айни дамда Интернет оламидатермамиз ҳақида мана шундай янгиликлар. Насиб қилса, бу рукнимизни кейинги сонини мағлубиятга учраган Австалия терма жамоаси ҳақидаги хориж матбуотида чиққан янги мақолалар билан ёритамиз.
Яҳёхўжа Улуғхўжаев
