Янги бош мураббий сифатида оммага таништирилган Сулшер жаноблари ҳозирда «қизил иблисларни» ажойиб тарзда бошқармоқда. Дебютант мураббий учун бу қойилмақом натижа. Бугун бу натижанинг сири нимада эканлигини топишга уруниб кўрамиз.
Психология
Сулшер деярли етти йил аввал ишлаган инсонлари билан ҳам жуда илиқ муносабатда бўлар экан. Клуб базасида ишлайдиган фаррош аёл ўглининг, ёки ҳисобчининг қизи исмини айтиб, унинг соғлиғи ва ўқиши ҳақида қизиқиб туради. Клуб персонал хизмати билан Сулшер доим позитив кайфият ва мулоқатга тез киришиб кета олиши билан аввалги мураббийдан мутлоқ фарқ қилади.
Сулшер ҳақида «Манчестер Юнайтед» футболчилари томонидан берилган таърифларни келтириб ўтамиз
Жесси Лингард
У ҳамма тақиқларни олиб ташлади. Биз энди машғулотларда, асосан, тўп билан шуғиланяпмиз, тактик машқларни анча камайтирганмиз. Ҳудди қамоқдан чиқган одамдек ўзимизни эркин ҳис қилмоқдамиз
Маркус Рашфорд
У ҳақиқй мотиватор. Бизга етишмаётган нарсани у топа олди. Сулшер биз билан соатлаб мулоқот қилади. Доим ҳазиллашади, бизни кайфиятимизни кўтаришга урунади. Ўйинларда хато қилиб қўйсак, видео тасмада бутун жамоа олдида изза қилмайди. Жамоамизнинг ички муҳити ҳозирда аъло даржада
Тактика
Бу борада Сулшерга омад кулиб боқди. У Алекс Фергуссон билан узоқ муддат иш олиб борган Майкл Феланни ўз штабига қўшиб олди. Фергуссон мактабининг сўнгги битирувчиларидан бири бўлган Шотландиялик мутахассис жамоага аввалги «Юнайтед»нинг ўйин услубини сингдиришда қўл келмоқда. Феланнинг асосий вазифаси рақиблар ўйинини таҳлил қилиш ва таркибни оптимал ҳолатда сақлаб туришдан иборат. Алекс Фергуссоннинг илтимосига кўра Фелан яна жамоа структурасига ишга қайтди.
Ҳозиррча Сулшер жаноблари инқилобий тактик ўзгаришни амалга оширганича йўқ. Ферги бобо услубидан фойдаланишда давом этмоқда.
Унинг илк жиддий тўқнашуви Тоттенҳем жамоасигақарши кечган учрашувга тўғри келди. Тактик футболни севадиган Почетинё ўша учрашувда қанотларга таянган ҳужумкор жамоани майдонга ташлаган эди.
Сулшсер эса «алдамчи 9-рақам»услубидан фойдаланди ва номинал ҳужумчисиз учрашувни бошлади. Асосан, қанотлардан уйиштирилган қарши ҳужум эвазига Решфорд ҳисобни очади. Кейин нима бўлгани эсингизда бор. Почетинё бирин-кетин ўйинчиларни алмаштириб Сулшернингтактикасини сочиб юборди. Ўша куни Давид де хеа бўлмаганида «Манчестер-Юнайтед» анча қийин аҳволда қолган бўларди.
Хато ва камчиликлар
Сулшернинг жамоасида ҳозирча муайян бир ўйин тактикаси мавжуд эмас. АПЛ дек турнирда иштирок этаётган Гвардиола, Клопп, Почетинё сингари кучли тактик мураббийларга қарши тенгма – тенг олишиш учун мотивациянинг ўзи камлик қилади. Сулшер жаноблари ўз устида ишлашда давом этса, АПЛ даги энг кучли мураббийлардан бири бўла олади. Сабаби, унинг потенцияли жуда юқори. Фақат уни юзага чиқара олиш керак, холос.
