"Реал" ҳимоячиси Серхио Рамос Испания кубогининг чорак финали биринчи ўйинда "Жирона" устидан қозонилган ғалаба (4:2) ҳақида гапирди.
Рамос учрашувда дубль қилди ва голларининг бирини пенальтидан "паненка" усулида урди.
"Пенальтини шу усулда бажариб, индивидуаллигимни шу тарзда кўрсатаман ва бундан завқ оламан. Айнан ҳозир ёқимли ҳолатдаман. Яна пенальти тепаман, аммо ҳаммасини доим шу тариқа бажара олмайман. Бурчакка тепишга тўғри келади.
Интрига сақланиб турибди. Бу яхши натижа, аммо осон ўйинлар бўлмайди. "Жирона" "Атлетико"га учта гол уриб, уни чиқариб юборганини унутмаслигимиз керак. Биз муҳим қадам қўйдик, аммо бошлаган ишимизни жавоб ўйинида охирига етказиб қўйишимиз керак", - дейди Рамос.
