Каталониянинг “Барселона” клуби жамоа ярим ҳимоячилари Денис Суарес, Иван Ракитич ва Рафинья Алькантаралар билан хайрлашмоқчи.

The Mirror нашрининг хабарига кўра, бу каталонияликлар “Аякс” футболчиси Френки Де Йонгни сотиб олганлиги билан боғлиқ.

Эслатиб ўтамиз, де Йонг “Барселона”га ёзда келиб қўшилади.

Маълумот учун, Рафинья ва Суарес жамоани тарк этиши аниқ, Ракитичга келадиган бўлсак унинг ўйинлари ҳозирча жамоа бош мураббийи Эрнесто Вальвердени қониқтирмоқда.

Таъкидлаб ўтамиз, Ракитич жорий мавсум 29 та ўйинда 3 та гол урган ва 6 голга ассистентлик қилган. Рафинья эса 8 та ўйинда 1 та гол урган. Суарес 8 та ўйинда иштирок этиб, 2 та гол уришга эришган.