Каталониянинг "Барселона" клуби бош мураббийи Эрнесто Вальверденинг ҳисоблашича, "Манчестер Сити" бош мураббийи Хосеп Гвардиола Френки Де Йонг билан ўзаро музокара ўтказиб, хатога йўл қўйди.
Шу йилнинг ёзида нидерландиялик 21 ёшли футболчи "Аякс"дан «Барселона» сафига ўтади. У ўз интервьюларидан бирида Гвардиола унга алоқага чиқиб, "Манчестер Сити"га чорлагани, лекин каталонияликлар сафига ўтишни танлагани ҳақида айтиб ўтганди.
"Бошқа клуб билан шартномаси бор футболчи билан музокара ўтказиш - бу ҳурматли мураббийларнинг иши эмас. Шахсан мен бундай қилмайман. Аммо ҳар кимнинг ўз иш услуби бор, бу борада баҳслашмайман", -деган Вальверде.
