Тошкентда йиғин ўтказаётган “Андижон” жамоаси селекция ишларини жадал суръатда олиб бормоқда.
Клуб матбуот хизматининг маълум қилишича, “бургутлар” жамоаси Руслан Мельзитдинов, Усмонали Исмоналиев, Бобур Омонов, Рўзимбой Аҳмедов ва Аброр Ҳусинов каби футболчилар билан келишувга эришди. Жамоа таркиби секин-аста маҳоратли футболчилар билан тўлдириб борилмоқда.
Қайд этиш жоизки, “Андижон” пойтахтдаги йиғинини 9 январь санасидан бошлаган эди. Режага кўра, андижонликлар Тошкентда 7 февралга қадар машғулотлар олиб боришади. Йиғин давомида яна бир нечта синов-назорат баҳслари ҳам ўтказилади.
