"Барселона" ярим ҳимоячиси Иван Ракитич ўзининг келажаги борасида фикр билдириб ўтди. Сўнгги кунларда унга "Челси" қизиқиш билдираётгани ҳақида хабарлар пайдо бўлди. Боз устига, "кўк-анорранглилар" Фрэнки де Йонг билан шартнома имзолашди.

"Мен жамоада қолишни истайман. Умид қиламан, клуб мен билан шартномани узайтиради. Мен "Барса"да яна узоқ йиллар ўйнашни истайман. "Барселона"да бахтлиман. Буни барча, аввало клуб президенти билади. Ортиқча гапга ҳожат йўқ.

Де Йонгнинг жамоага келиши менинг келажагимга таъсир кўрсатадими? Мени танийдилар яхши биладики, мен шунчаки футбол ўйнашни истайман. Қолган масалаларни хотиржамлик билан ҳал қиламан. Ҳозир 30 ёшдаман. Бу фаолиятимдаги энг гуллаган палла. Мен "Барселона" сафида футболдан мароқланишни истайман", – деди Ракитич Goal нашрига берган интервьюсида.

Хорватиялик футболчи Испания чемпионатининг ушбу мавсумида 20та ўйинда майдонга тушиб, 2та гол урди ва битта голга узатма берди.