«Челси» футболчилари жамоа бош мураббийи Маурицио Сарри томонидан ўтказилаётган машғулотлардан чарчаб қолишмоқда. Мутахассис ҳаттоки ўйин куни ҳам эрталабки машғулотни ўтказади.
Футболчилар бу борада ўз эътирозларини бир неча марта билдирган бўлсалар-да, Сарри ўз билганидан қолмаяпти.
Лондонликлар АПЛнинг 24-тури доирасида «Борнмут»га қарши бўлиб ўтган ўйинда йирик ҳисобда имкониятни бой беришди (0:4). Жамоа 47 очко билан жадвалда 5-ўринни эгаллаб турибди.