«Реал» клуби дарвозабони Тибо Куртуа мадридликлар сафида «Челси»даги собиқ сафдоши Эден Азарни кўриш ниятида эканини айтиб ўтди.

– Сиз «Реал»да кимни кўришни хоҳлардингиз – Азар ёки Неймар?

– Албатта, мен Эденни танлаган бўлардим. У менга ёқади. Аммо танловни раҳбарият амалга оширади.

Нима бўлишини билмайман. Бу савол менга эмас, балки директорлар кенгаши ва менежмент вакилларига берилиши керак.

Ҳозирда Карим Бензема яхши формада ва у 17та гол уришга эришди. Гарет Бэйл мавсумни ажойиб бошлади, аммо кейинчалик жароҳатлар билан курашишига тўғри келди. Кўриб турганингиздек, бизнинг савиямиз етарли даражада, бироқ баъзида гол ура олмаяпмиз, – дейди Куртуа.