«Барселона» бош мураббийи Эрнесто Вальверде Испания Ла лигасининг 22-тури доирасида бўлиб ўтган «Валенсия»га қарши ўйин (2:2) борасида ўз фикрларини билдириб ўтди.

Ўйин ҳақида
«Биринчи бўлим ғалати бўлди. «Валенсия» ўйинни жуда яхши бошлади ва имкониятлардан фойдаланди. Аммо биз ўйинда ташаббусни ўзимизда ушлаб турдик ва гол уришимиз сезилиб турганди».

Месси ҳақида
«Унинг аҳволи яхши, аммо уни тиббий кўрикдан ўтказамиз. Умид қиламан, ҳаммаси жойида бўлади. Келинг, шифокорларнинг хулосасини кутамиз. Назаримда, жароҳат жиддий эмас. Агар Мессининг ўзи сўраганида, мен уни алмаштирган бўлардим, аммо у менга ҳеч нарса демади.

Агар соғлиги жойида бўлса, Месси «Реал»га қарши ўйинда иштирок этади, акс ҳолда унинг ўрнига бошқа футболчини майдонга тушираман», – деди Вальверде.