«Барселона» ҳимоячиси Жерар Пике Испания кубогининг ярим финал босқичи доирасида бўлиб ўтган «Реал»га қарши ўйиндаги (1:1) ҳакамнинг қарорларига баҳо берди. Эслатиб ўтамиз, учрашувни Матеу Лаос бошқариб борди.

«Лаоснинг баъзи қарорлари ғалати бўлди. Биз бунга мослашишимизга тўғри келди. Серхио [Рамос] иккинчи сариқ карточкани олиши керак эди. Аммо наилож? Умуман олганда, биз яхши ўйин ўтказдик.

Леода кичик жароҳат борлигини билардик. Олдинда муҳим ўйинлар кутиб турибди. Шу боис, у соғлом ва тайёр ҳолатда майдонга тушгани яхши. Агар 90 дақиқа ўйнаса, жароҳатини чуқурлаштириб олиши мумкин эди. У иккинчи бўлимда майдонга тушишни афзал билди.

Биз яхши натижага эришдик. Барчаси жавоб ўйинида ҳал бўлади», – деди Пике.