“Кристал Пэлас” ҳужумчиси Вилфрид Заҳа Англия премьер-лигасининг 24-турида “Саутгемптон”га қарши ўйинда ўзини ёмон тутганлиги туфайли санкцияларга учради.

Ўйиннинг 87-дақиқасида учрашув бош ҳаками Андре Марринер қўполик қилгани учун ивуарлик футболчига сариқ карточка кўрсатди. Заҳа эса ҳакамнинг қарорига жавобан қарсак чолди ва шу заҳоти майдондан четлатилди.

Англия футбол ассоциацияси Заҳани битта ўйинга дисквалификация қилди ва 10 минг фунт миқдорига жаримага тортди(11,4 минг евро).

Ушбу санкициянинг асосий қисми ҳали кучга кирмади, Заҳа тортишишга ҳақли.

Маълумот ўрнида, 26 ёшли футболчи АПЛда 21 та ўйинда майдонга тушиб, 4 та гол ва 2 голли узатма муалиффига айланди.