Янги мавсумга жиддий ҳозирлик кўраётган “Қизилқум” футболчилари мавсумга тайёргарликнинг сўнгги босқчини ўтказиш учун Туркиянинг Анталия шаҳрига жўнаб кетди.
Тошкент-Истамбул-Анталия ҳаво йўналиши орқали манзилга йўл олган навоийлик футболчилар 10 кун мобайнида хорижда ўқув-машғулот йиғинини давом эттиришади.
-Йиғин давомида 6 та назорат учрашувида майдонга тушишни режалаштирганмиз, -дейди жамоа бош мураббийи Ҳамиджон Актамов. – Клубимиз ҳомийлари биз учун имкон қадар барча шароитларни яратиб беришга ҳаракат қилишмоқда. Мавсум бошланишига оз фурсат қолмоқда. Бу йиғинда хориж жамоалари билан назорат учрашувини ўтказиб, йигитларнинг имкониятларини яна бир бор синовдан ўтказиб оламиз.
Жамоа аъзолари 20 февраль куни юртимизга қайтиб келишади.
