Бильбао "Атлетик" клуби ушбу мавсумда иккинчи марта "Барселона" клубига мағлуб бўлмаяпти. Биринчи даврада "Камп Ноу"да бўлиб ўтган ўйинда 1:1 ҳисоби қайд этилган бўлса, "Сан Манес"да ўтказилган бугунги баҳсда ҳисоб очилмади.

Мезбонлар мусобақа пешқадамига жиддий қаршилик кўрсатишди ва "Барса"га хавфли вазият яратиш учун деярли имкон беришмади. Аксинча, басклар 3-4та голга тортадиган ҳужумлар уюштиришди. Тер Штегеннинг маҳорати "кўк-анорранглилар"ни муқаррар голлардан қутқариб қолди.

Шу тариқа, "Барселона" ва иккинчи ўриндаги "Реал" ўртасидаги очколар фарқи энди 6 очкони ташкил этмоқда.

Испания Ла лигаси, 23-тур
Атлетик – Барселона 0:0 (0:0, 0:0)
Атлетик – Яго Эррерин, Мартинес, Йерай Альварес, Баленсиага, Берчиче, Беньят (Сан Хосе, 56), Дани Гарсия, Рауль Гарсия, Сусаета (Муниаин, 62), Де Маркос, Иньяки Уильямс (Кодро, 90).
Барселона – тер Стеген, Пике, Серджи Роберто, Нелсон Семеду, Лангле (Вермален, 88), Видаль (Аленья, 63), Бускетс, Ракитич, Коутиньо (Дембеле, 75), Месси, Суарес.
Огоҳлантиришлар: Дани Гарсия (52), Де Маркос (68), Лангле (72), Бускетс (78), Йерай Альварес (90).
Четлатиш: Де Маркос (90).