Ўзбекистонлик икки нафар футболчи Франция чемпионатига йўл олишга жуда яқин турибди. Бу ҳақда WorldNews интернет нашрига яқин футбол агенти маълум қилди.
“Айни вақтда футболчиларнинг сафар ҳужжатлари масаласи якунига етиш жараёнида. Ушбу жараён якунига етиши учун камида 10-15 кун вақт талаб этилади. Шундан сўнг футболчилар Франция чемпионатида иштирок этадиган клуб сафига бориб қўшилишади.
Клуб ва футболчилар номини ҳозирча ошкор эта олмайман. Шартнома имзолаш масаласи ҳамда яна бир нечта шартлар бажарилгач, шахсан футболчиларнинг агенти сифатида яна қўшимча маълумотлар бериб ўтаман.
Энг асосийси, Франция клуби ўзбекистонлик футболчилар хизматларига жиддий қизиқган”, дейди ўзбекистонлик футболчиларнинг агенти.
Тахминларга кўра, юқорида исми ошкор этилмаган футболчи ўз вақтида “Навбаҳор”, “Андижон”, “Динамо” Самарқанда ҳамда АГМК клублари сафида тўп сурган.
Иккинчи футболчи эса “Қўқон-1912” клубининг январда бўлиб ўтган Тошкентдаги йиғинида иштирок этганлиги айтилмоқда.
