"ПСЖ" яримҳимоячиси Анхель Ди Мария ЕЧЛ 1/8 финалида "МЮ"га қарши биринчи ўйиндаги қилмиши учун УЕФА томонидан жазоланмайдиган бўлди.
Бу УЕФА расмий сайтида берилган маълумотлар орқали аниқ бўлган.
Аввалроқ, футболчи ушбу учрашувда мухлисларни ҳақорат қилгани учун дисквалификация қилиниши мумкинлиги тахмин қилинган эди.
"ПСЖ" 53-дақиқада ҳисобни очди, Ди Мария эса "МЮ" мухлисларини инглиз тилида сўкди ва испан тилида нималардир деди.
Расмий сайтда Ди Мариянинг жазоланиши ҳақида хабар йўқ. Тартиб-интизом чоралари ҳар икки клубга нисабатан қўлланилиши мумкин.
"МЮ" стадиондаги чиқиш эшиклари ёпиб қўйилгани, мухлислар томонидан майдонг турли жисмлар улоқтирилганга жавоб бериши мумкин.
"ПСЖ" эса - мухлислари тмонидан машъалалар ёқилгани ва майдонга ёт жисмлар улоқтирилгани, тартибсизлик ва стадионга етказилган зарарлар учун жавоб беради.
УЕФА бу ишни 28 февраль куни кўриб чиқади.
