“Реал” яримҳимоячиси Иско ёзда жамоасини ўзгартиради.
Қироллик клуби бош мураббийи Сантьяго Солари раҳбариятга 26 ёшли футболчи унинг режаларидан четда қолгани ҳақида маълум қилди ва испаниялик футболчини ёзги трансферлар вақтида сотиб юборишни таклиф қилди.
Ҳозирда, Исконинг хизматига бир қатор гранд клублар хусусан “Манчестер Сити” ва “Ювентус” қизиқиш билдирмоқда. Унинг “қаймоқранглилар” билан тузган шартномаси 2022 йилгача амал қилади.
Маълумот ўрнида, испаниялик футболчи жорий мавсум барча турнирларда 25 та ўйин ўтказиб, 4 та гол ва 2 та голга ассисентлик қилди.
