Россиянинг футболга оид сайтларини ўқиб ўтириб, бир тарихни ўқиб қолдим. 2010 йили Ўзбекистон Кубогида бўлган “ишкал” ҳақида кенг ёритилганди. Аслида, бу мақола Ўзбекистон сайтлари орқали ёритилиб, рус сайтларига таржима қилинган ҳолда тарқатилганди.
2010 йилги мавсум Кубогида “Шўртан” “Пахтакор” ¼ финалда икки ўйин натижасига кўра мағлуб этиб, ярим финалга йўл олганди. Аммо, Тошкентдаги ўтган дастлабки учрашувда Марат Исмаилов бошчилигидаги ҳакамлар бригадасининг ўйин натижасига таъсир кўрсатадиган қўпол хатоликлари сабабли, “Пахтакор” раҳбарияти (Самвел Бабаян) ЎзПФЛни сиқувга олиб, ўйинни қайта ўтказмоқчи бўлган эди.
Аммо, ўша пайтдаги ЎФФ раҳбарлари қарор қабул қилиш учун узоқ ўйланишган (аслида ўйланиб ўтирмасдан қабул қилинадиган қарор эди) ва наижада Мираброр Усмонов вазиятга реал ёндошиб, қарорни “Шўртан” жамоаси фойдасига чиқариб берган эди.
