Замонавий футболда яхши дарвозабон тобора камайиб бормоқда. Бугун ана шундай дарвозабонлардан бири ҳақида сўз боради.
18 ёшида ўз клубини «Бундеслига»да сақлаб қолган.
2010-2011-йилги мавсумда Люсиен Фавр «Бундеслига»дан чиқиб кетиш арафасида турган клубга бош мураббий бўлгач, "Боруссия Мюнҳенгладбах"нинг ёшлар таркибидаги Тер Стегенни ( ёки Штеген) асосий таркиб дарвозабони қилиб қўяди. Илк учрашувда атиги бир бор тўп ўтказган Стеген, кетма-кет 5 та учрашувда дарвозасининг даҳлсизлигини таъминлайди ва клубни «Бундеслига»да олиб қолади.
Терма жамоадаги омадсиз старт
Аввалига, 2012-йилдаги Европа чемпионатига кетиши кутилаётган қаҳрамонимиз ўзининг илк учрашувида Шветцария терма жамоасига қарши майдонга тушади ва нақд 5 та гол ўтказиб юборади. Бу ҳам етмаганидек, АҚШ билан ўртоқлик учрашувида тўпни тўхтатишда қўпол хато қилади ва автогол муаллифига айланади. Унинг бундай хурмача қилиқлари ўзи шундоқ ҳам катта савол остида турган асосий дарвозабонлик ўрнини тўлиқ бой беришига олиб келади.
"Барселона"нинг янги асрдаги энг омадли ҳариди.
2014-йилда каталонияликлар атиги 12 миллион евро эвазига Тер Стеген билан беш йиллик шартнома имзолашади. Ҳозирда Кепа, Эдерсон сингари ўртамиёна дарвозабонларнинг нархи билан солиштирганда «Барселона» ажойиб харидни амалга оширгани яққол намоён бўлмоқда. Ҳозирда қаҳрамонимизнинг трансфермаркетдаги нархи 100 миллиондан ҳам ошиб кетган. «Барселона» бир ўқ билан икки қуённи урганига шу фактнинг ўзи исбот бўла олади.
Ёш бўлишига қарамасдан кўп нарсага улгурган.
Ёш бўлсада катта тажриба ва кўплаб совринлар эгаси саналади. Унинг ҳисобида ЭЧЛ, Испания кубоги, Супер кубок, 3 бор «Ла Лига» ғолиблиги… қаҳрамонимиз футбол оламига эрта кириб келди ва муҳим тажрибани тенгдошларига қараганда тезроқ орттирди ва ҳақли равишда «Барселона»нинг биринчи рақамли дарвозабонига айланди. Унинг сўнгги пайтларда кўрсатаётган ўйинлари шунчаки фантастика.
Унинг кумири.
У интервьюларидан бирида - «Мен ёшлигимдан бери Буффонинг мухлислиман. У менинг идеалим. Доим унга ўхшашга ҳаракат қилганман. Унинг майдонда ақл билан ҳаракатланиши, ортиқча реакцияларсиз ҳам тўғри жой танлаш эвазига вазиятларни ўз фойдасига ҳал қилиши мени доим ҳайратда қолдирган», - деган эди
