«Ливерпуль» ҳужумчиси Муҳаммад Салоҳ интервью бериб, эътиборни шахсий рекордларни янгилашга эмас, Англия чемпионатида ғолибликни қўлга киритишга қаратилганини айтиб ўтди.

«Мен ҳамиша кўпроқ гол уришга ва яхшироқ ўйнашга ҳаракат қиламан. Рекордлар – бу, албатта, яхши, лекин мен учун муҳими — АПЛда ғолиб чиқиш. Бизни қийин ҳафта кутиб турибди. Саккиз кун ичида 8та ўйин ўтказамиз. Улардан ижобий натижа қайд этсак, жадвалда пешқадамлик қилишда давом этамиз. Шундан кейин эса 9та тур қолади. Қолган ўйинларга яхши тайёргарлик кўриш учун бизда вақт бўлади», – деди Салоҳ.

Англия премьер-лигасининг 27-туридан кейин «Ливерпуль» жадвалда 1-ўринни эгаллаб турибди. Мерсисайдликлар «Манчестер Сити»ни 1 очкога ортда қолдирмоқда. Салоҳ ушбу мавсумда барча мусобақалар доирасида 36та ўйинда майдонга тушиб, 20та гол урди ва 8та голга ҳаммуаллифлик қилди.