Испания кубоги доирасидаги бу галги "эл-класико" дастлабкисига нисбатан анча шиддатли ва голларга бой бўлди. Ҳар иккала жамоа ўйин бошиданоқ катта иштиёқ билан ўйнай бошлашди. Шунга яраша ўйинда хавфли вазиятлар кўп бўлди.
Танаффусга қадар тўп назорати бўйича кичик устунлик "кўк-анорранглилар" томонида бўлган бўлса-да, хавфли вазиятлар бўйича "Реал" рақибдан олдинроқ бўлди. Жумладан, Винисиус Жуниор фаолиятида энг яхши ўйинлардан бирини ўтказди. У каталониялик ҳимоячиларни роса қийнади. Аммо сўнгги у тажрибасизлик қилиб, дарвоза томон бир неча марта аниқ зарба бера олмади. Баъзида эса тер Штеген қаҳрамонлик кўрсатди. Боз устига, бир вазиятда Бензема яккама-якка вазиятда "Барса" посбонини доғда қолдира олмади.
Иккинчи бўлимда эса, кутилмаганда, Вальверде шогирдлари учун барча нарса омадли бўлди. Баҳснинг 50-дақиқасида Альба-Дембеле-Суарес комбинациясидан кейин Луис ҳисобни очди.
Мазкур ўтказиб юборилган голдан кейин "Мадрид" таваккал қилиб олдинга ташланди. Улар ҳисобни тенглаштиришлари мумкин эди, аммо бу кеча омадж меҳмонлар томонида бўлди.
Каталонияликлар ўз имкониятларидан жуда унумли фойдаланиб қолишди. Баҳснинг 69 ва 72-дақиқаларида Луис Суарес иккита гол муаллифига айланиб, рақибни "нокаут"га учратди. Дастлаб Семедунинг узатмасидан кейин Дембеле ўнг қанотдан жарима майдончасига кирди ва олис устун томонда очилаётган Суарес томон пас берди. Варан эса тўпни дарвозасига буриб юборди. Рафаэль тўпга тегмаганида ҳам Суарес дарвозани ишғол қилар эди. Орадан 3 дақиқа ўтиб Каземиро ўз жарима майдончаси ичида уругвайлик футболчининг оёғини босиб олди. Белгиланган пенальтини Суареснинг ўзи Паненка услубида амалга ошириб, ҳисобни йирик кўринишга келтириб қўйди.
Шу тариқа, "Барселона" Испания кубоги финалига йўл олди.
Испания кубоги, ярим финал, жавоб ўйини
"РЕАЛ МАДРИД" - "БАРСЕЛОНА" 0:3 (0:0)
Голлар: 0:1 – 50 Суарес, 0:2 – 69, автогол Варан, 0:3 – 73, пенальти Суарес.
Реал Мадрид – Навас, Варан, Регилон, Карвахаль, Рамос, Модрич, Каземиро (Вальверде, 75), Васкес (Бэйл, 68), Кроос, Винисиус Жуниор (Асенсио, 81), Бензема.
Барселона – тер Стеген, Лангле, Пике, Альба, Серджи Роберто, Ракитич, Бускетс (Артур, 86), Дембеле (Коутиньо, 75), Нелсон Семеду, Месси, Суарес (Видаль, 78).
Огоҳлантиришлар: Васкес (58), Бускетс (65), Каземиро (72), Нелсон Семеду (81).
Дастлабки ўйин: 1:1
| 15/11 02:00 | Венесуэла | 1-1 | Бразилия | ||
| 15/11 04:30 | Парагвай | 2-1 | Аргентина | ||
| 15/11 05:00 | Эквадор | 4-0 | Боливия | ||
| 15/11 17:00 | Индонезия | 0-4 | Япония |
Испания кубоги. «Барселона» «Сантьяго Бернабеу»да йирик ҳисобда ғалаба қозониб, финалга йўл олди
| Баҳо: |
+ | -
|
Рукн: Шарҳлар ва Анонслар
Манба: www.stadion.uz.
Киритилди: 02:56, 28.02.2019.
Ўқилди: 11342 марта.
Фикрлар: 21 та.
Ўқилди: 11342 марта.
Фикрлар: 21 та.
ЭНГ КЎП ЎҚИЛГАН ЯНГИЛИКЛАР
Ўзбекистон—Қатар учрашувида мадҳия ўрнига реклама кўрсатилгани юзасидан изоҳ берилди [4211]
Терма жамоамиз КХДРга қарши ўйин олдидан жиддий йўқотишга учради [3877]
ЖЧ-2026 саралаши. 5-турдан сўнг гуруҳимиздаги вазият қандай? [3728]
Гвардиоланинг "Манчестер Сити"даги келажаги маълум бўлди [3480]
Мбаппе “Реал” ва Франция терма жамоаси ўртасида танлов қилди [3268]
ЖЧ-2026 саралаши. Кейинги ўйинимиз қачон? [3146]
"Реал"нинг собиқ футболчиси 80 миллион евро эвазига жамоага ҳимоячи танлади [3122]
"Реал Мадрид" Киммих ва Мусиала борасида қарор қабул қилди [2980]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|