Мавсум якунланганидан кейин Жозе Моуриньо «Реал»ни бошқариши мумкин. Бу ҳақда "Қироллик клуби" собиқ президенти Рамон Кальдерон хабар тарқатди.

«Катта эҳтимол билан Моуриньо келаси мавсумда «Реал»ни бошқаради. Ҳозирда музокаралар давом этмоқда», – дея ёзди Кальдерон ўзининг твиттердаги саҳифасида.

«Реал» ушбу мавсумда Ла лига жадвалида "Барселона"дан 9 очко ортда қолган ҳолда 3-ўринда бормоқда. "Қаймоқранглилар" Испания кубоги ярим финалида азалий рақибига имкониятни бой бериб, мусобақани тарк этди.

Моуриньо 2011-2013 йилларда «Реал» бош мураббийи сифатида ишлаб, Примера, Испания кубоги ва Испания суперкубогида бир мартадан ғолиб чиққан. Португалиялик мутахассиснинг сўнгги иш жойи «Манчестер Юнайтед» бўлди. У манкунианликлар бошқарувида 2018 йилнинг 19 декабрь куни истеъфога чиқарилди.