"Реал" ярим ҳимоячиси Гарет Бэйл ёзда жамоадан кетади. Бу ҳақда "AS" нашри ёзмоқда.
Манбага кўра, "қироллик клуби" президенти Флорентино Перес шундай қарорга келган. У Гаретнинг омадсиз ўйинлари ҳамда клуб аъзолари билан футболчи ўртасидаги совуқ муносабатдан безиган.
Маълумотларга кўра, уельслик футболчининг жамоадошлари билан муносабати яхши эмас. Хусусан, "Леванте"га қарши ўйинда пенальтидан гол киритган Бэйл голни у билан нишонлашга уринган Васкеснинг қўлини силтаб ташлаган ва голни ҳам тузук-қуруқ нишонламаганди.
