“Барселона” дарвозабони Марк-Андре тер Штеген 2016 йил жамоани тарк этиш ҳақида ўйлаганини тан олди.

“Аслида мен ва Клаудио Браво биринчи рақамли дарвозабон бўлиш учун рақобат қилишимиз керак эди.

У ажойиб дарвозабон, ўша вақтда у асосий таркибда майдонга тушар эди. Мураббий таркибга ҳеч қандай ўзгартириш киритиши шарт эмасди. Чунки, унда чемпионатда яхши турадиган дарвозабон бўлган.

Табиийки, бундай вазиятда келажак ҳақида ўйлайсиз, чунки ўйин амалиёти – энг муҳим нарса.

Мураббий мени чемпионатда асосий таркибда тушириб, бошқа чемпионатларда Бравони туширишга қарор қилгани ҳақида айтганида ҳам бу мени қониқтирмади. Мен буни истамадим ва 2016 йил “Барселона”ни тарк этиш ҳақида ўйладим.

Мен ва Клаудио юзага келган вазиятда очиқ ойдин суҳбатлашиб олдик. “Барселона” бир қарорга келди ва мени танлади. Ўйлашимча, ўзимга билдирилган ишончни оқлаяпман”, - дейди Тер Штеген.