“Реал”  ҳимоячиси Рафаэль Варан Ла Лиганинг 26-тур доирасида “Барселона”га қарши бўлиб ўтадиган ўйинда иштирок эта олади.

Франциялик футболчи Испания кубогининг 1/2 финалининг жавоб учрашувидан сўнг, тиззаси ёрилган фотосуратни ижтимоийлар тармоқдаги саҳифасига жойлаган эди.

25 ёшли футболчи иккинчи гол бўлган эпизодда Даниэль Карвахаль ва Луис суарес билан тўқнашиб кетди ва ўз дарвозасини ишғол қилиб қўйди. Қолаверса, у тиззасини жароҳатлаб олди.

Бироқ, бугун Варан умумий машғулотларда қатнашди ва катта эҳтимол билан кейинги класикода майдонга тушади.